Na Ulya Aligulova Mwandishi wa sheria wa Amjambo
Sasisho kutoka kwa Augusta
Wakati wa vikao vya Bunge la Maine, Amjambo Africa itaendesha sasisho za kila mwezi kuhusu sheria muhimu kwa jamii za watu wa rangi.
Kitaanza Kikao cha Pili cha Kawaida cha Bunge la 130 la Maine mnamo Januari 5 hadi Aprili 20, 2022, na miswada mingi yenye umuhimu mkubwa kwa jamii za watu wa rangi mbalimbali itazingatiwa na wabunge wakati huu. Mchakato wa kidemokrasia unaruhusu wapiga kura kuunga mkono miswada wanayojali na kushawishi ni miswada gani huishia kwenye dawati la gavana. Mara nyingi miswada hiyo iliyo na uungwaji mkono mkubwa wa umma ndiyo inayoishia kupitishwa, ingawa gavana ana haki ya kupinga mswada huo.
Yataongoza kazi ya mara kwa mara mashirika kama vile ACLU ya Maine, Maine Equal Justice, na Maine Immigrants’ Rights Coalition (MIRC), kazi ya utetezi ili kuunga mkono miswada tofauti na kusaidia watu kushiriki mamlaka ya sauti zao. Kiingereza fasaha si sharti la kujihusisha, na usaidizi wa lugha nyingi kwa kawaida hupatikana. Amjambo Africa itatoa sasisho kuhusu miswada gani inaendelea kupitia mchakato wa kutunga sheria, na pia habari juu ya jinsi ya kuhusika.
“Kushiriki ni muhimu, na ni njia ya kutoa changamoto kwa mifumo ambayo haiendelezi haki za wahamiaji, na kuunga mkono sera zinazokuza ushirikiano katika jamii. Kwa mfano, mwaka wa 2020 MIRC ilitoa ushahidi kuunga mkono LD843, mswada ambao uliunga mkono utulivu wa makazi, na kwa sababu mswada huu uliopitishwa kutakuwa na ufadhili wa serikali mnamo 2022 kwa wanaobadili makazi kusaidia jamii zetu zilizotengwa,” Mufalo Chitam, Mkurugenzi Mtendaji wa MIRC alisema.
Muda wote wa kikao, kamati za sheria zitafanya mikutano ya hadhara ambapo wanajamii wanaweza kutoa maoni yao kuhusu sheria inayopendekezwa. Pia, watu binafsi wanaweza kuwasiliana na wabunge kwenye kamati inayopitia mswada fulani ili kushiriki hadithi ya kibinafsi, na/au kujiunga na siku za kushawishi ambazo zimepangwa ili kuhimiza uungwaji mkono kwa sheria fulani. Kwa kuongezea, watu wanaweza kumwandikia barua mhariri wa machapisho kama vile Amjambo Africa.
Miswada ya kipaumbele katika kipindi hiki
LD 1610 ni mswada mmoja wa umuhimu mkubwa kwa jamii za watu wa rangi, mswada shirikishi wa LD 2 ya kikao kilichopita “Sheria ya Kuhitaji Ujumuishaji wa Taarifa za Athari za Rangi katika Mchakato wa Kutunga Sheria,” ambayo ilipitishwa katika kikao cha sheria kilichopita. Mwakilishi Rachel Talbot Ross ndiye mfadhili wa miswada yotei zote miwili.
LD 2 inahitaji kwamba data ya kamati ya sheria, uchanganuzi na taarifa nyingine muhimu ili kuandaa taarifa ya athari za rangi (tathmini ya athari inayoweza kuwa ambayo sheria yoyote mpya inaweza kuwa nayo kwa jamii ya watu wa rangi zilizonyimwa haki katika historia) itolewe kwa ombi la kamati ya sheria. LD 1610 inasaidia LD 2; kifungu chake kitaboresha uwezo wa Maine wa kukusanya, kuweka kati, na kutumia data ili kuboresha usawa katika utungaji sera za serikali
“Kulingana na data ya hadithi na data kutoka kwa jamii na mashirika ya kijamii, ingawa tunajuwa kwamba watu wa rangi wanapata madhara makubwa kutoka kwa sera au mifumo tofauti, bado hatuwezi kuwasilisha data ya kutosha kama ushahidi wa hili,” Kathy Kilrain del Rio alisema, Mkurugenzi wa Utetezi na Mipango wa Maine Equal Justice
“Hii ni sehemu ya juhudi kubwa zaidi ambazo Tume ya Kudumu [juu ya Hadhi ya Makabila ya bwatu wa Rangi, Wenyeji, na Makabila ya Maine, iliyoanzishwa mwaka wa 2019] imeangaziwa ili kuhakikisha kwamba tuna uwezo wa kukusanya data sahihi na kuzichambua na. kutambua jinsi tunavyoweza kuunda sera kulingana na data hizo ambazo zinasaidia kupunguza tofauti za rangi,” Kilrain del Rio alisema. Tume ya Kudumu ni chombo huru kinachochunguza tofauti za rangi katika mifumo yote na kufanya kazi ili kuboresha hali na matokeo ya watu wa rangi, wenyeji na makabila waliokuwa wamenyimwa haki zao katika historia huko Maine.
Mswada mwingine wa kuzingatiwa ni LD 1679, unaofadhiliwa na Rais wa Seneti Troy Jackson, ambao unalenga kushughulikia njaa ya wanafunzi kwa kupanua ufikiaji wa milo ya bure shuleni.
“Mwaka jana kulikuwa na juhudi kuhakikisha kila mtu shuleni anaweza kupata chakula cha bure, ambayo ni njia kubwa ya kusaidia kupunguza njaa katika jimbo letu,” Kilrain del Rio alisema. “Watoto wengi katika jimbo zima wanategemea chakula cha bure shuleni. Hiyo ni kweli hasa kwa watoto wahamiaji kwa kuwa kuna vikwazo katika SNAP na programu nyingine za usaidizi wa chakula ambazo hazijumuishi watu wasio raia. Mwaka jana hii ilijumuishwa katika bajeti ya ziada. Tunajaribu kusukuma ufadhili zaidi kwa mwaka huu pia.
Mswada mwingine unaotazamwa na Kilrain del Rio ni LD 718. Umefadhiliwa na Talbot Ross, LD 718 ungefunga pengo katika mpango wa MaineCare ambao, kwa sababu ya kizuizi cha shirikisho, haujumuishi watu fulani kufikia MaineCare kulingana na hali yao ya uhamiaji. Maine Equal Justice ilifanyia kazi muswada huu mwaka jana, pia. “Tunataka kuziba pengo hilo ili Wakazi wa Maine wote, bila kujali hali yao ya uhamiaji, wapate MaineCare ikiwa wana mapato ya chini. Tunajua kwamba ni muhimu sio tu kwa afya ya watu binafsi bali kwa afya yetu ya pamoja pia. Ikiwa kuna jambo lolote ambalo janga hili limetufundisha, ni kwamba afya yetu ya pamoja inategemeana na afya ya kila mmoja binafsi kati yetu,” Kilrain del Rio alisema.
Zaidi ya watu 90 walitoa ushahidi kuunga mkono LD 718 hadharani katika kikao kilichopita. Gavana Janet Mills alijumuisha sehemu yake katika pendekezo lake la ziada la bajeti, LD 221, ambalo liliongeza huduma kwa watu walio chini ya miaka 21 na wajawazito, bila kujali hali zao za uhamiaji. “Lakini bado hatujaziba pengo hilo kwa watu wazima wote,” alisema. LD 718 ilirejeshwa kwa Kamati ya Afya na Huduma za Kibinadamu, na MEJ itaendelea kuitetea.
“Kwenye kikao hiki tutakuwa tukifuatilia kwa karibu miswada ya uhuru wa kikabila,” alisema Meagan Sway, Mkurugenzi wa Sera katika ACLU ya Maine. Miswada hii ni pamoja na LD 1626, LD 554, na LD 585, iliyofadhiliwa na Seneta Louis Luchini, Mwakilishi Benjamin Colllings, na Talbot Ross, kwa mtiririko huo. Makabila ya Maine yamekuwa yakipigania kushughulikia matatizo ya Sheria ya Utekelezaji wa Madai ya Wahindi wa Maine ya 1980, ambayo inatangaza kwamba Bunge la Congress limeidhinisha na kuridhia uhamishaji wowote wa ardhi au maliasili nyingine inayopatikana popote ndani ya Marekani kutoka kwa, au kwa niaba. wa Kabila la Passamaquoddy, Taifa la Penobscot, Bendi ya Houlton ya Wahindi wa Maliseet, au washiriki wao wowote.
“Makabila ya Maine yana haki chache kuliko makabila mengine mengi nchini kote kwa sababu ya suluhu hili la mahakama moja kutoka miaka ya 1980,” Sway alielezea. “Hili ni suala mahususi kwa jumuiya za rangi kwa sababu inashughulikia njia ambazo walowezi wa kizungu wameyakosesha makabila, na miswada hii inajaribu kutatua matatizo hayo.”
Kwa ujumla, wafanyakazi wa kilimo hawajumuishwi katika sheria za jadi za ulinzi wa kazi, hata hivyo miswada kadhaa inayohusu wafanyakazi wa kilimo, hasa LD 151, iliyofadhiliwa na Mwakilishi Thom Harnett, inaweza kuruhusu wafanyakazi wa mashambani kuungana. Huko Maine, wafanyikazi wengi wa shamba ni wahamiaji na watu wa rangi.
“Mswada huu ungeshughulikia madhara ya kihistoria ambayo yamewazuia watu weusi na kahawia kutokana na manufaa ya chama cha wafanyakazi,” alisema Sway. “Katika kikao kijacho, tunatafuta kura ya turufu kutoka kwa gavana au, ikiwa hakuna kura ya turufu, jaribio la kuibatilisha.”
Kwenye kikao kilichopita, LD 764 ilisababisha kuundwa kwa Kamati ya Kupitia Rekodi za Jinai ambayo itakuwa ikipendekeza sheria kwa kamati ya mahakama kuhusu kutia muhuri rekodi za uhalifu. “Huko Maine, mara tu unapopatikana na hatia kwa uhalifu, ni vigumu sana kuepuka rekodi hiyo ya uhalifu, ambayo inaweza kuwa na matokeo mabaya kwa makazi, ajira, misaada ya wanafunzi – mambo yote tunayotegemea ili kuwa na maisha dhabiti,” Sway alisema. “Hiyo ina athari kubwa kwa watu wa rangi kwa sababu wanalengwa kwa njia isiyo sawa na kuadhibiwa na mfumo wa sheria wa uhalifu.”
